CS SPORT

ឯកឧត្តម ហ៊ុន ម៉ានី បង្ហាញភាពកក់ក្ដៅ និងមោទនភាពចំពោះស្នាមញញឹមអត្តពលិកជនពិការកម្ពុជា

ប៉ារ៉ាឡាំពិក៖ ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា និងជាប្រធានប្រតិភូកីឡាប៉ារ៉ាឡាំពិកកម្ពុជា តំណាងដ៏ខ្ពង់ខ្ពស់សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានបង្ហាញនូវភាពកក់ក្ដៅ និងមានមោទនភាពជាខ្លាំង ក្រោយឃើញស្នាមញញឹមរបស់អត្តពលិកជនពិការកម្ពុជា ទោះបីពួកគេបាននឹងកំពុងខិតខំប្រឹងប្រែងយ៉ាងខ្លាំងក្លាដោយឆន្ទៈ ស្មារតី និងការលះបង់គ្រប់បែបយ៉ាងដើម្បីដណ្ដើមមេដាយ និងកិត្តិយសជូនជាតិ។ ក្នុងនាមសមាជិកគណៈប្រតិភូ ក៏ដូចជាក្នុងនាមប្រជាពលរដ្ឋខ្មែរមួយរូប ឯកឧត្តមបានសាទរ និងមានមោទនភាពចំពោះអ្វីដែលកីឡាករ-កីឡាការិនីកម្ពុជាសម្រេចបាន ក្នុងការប្រកួតកីឡាអាស៊ានប៉ារ៉ាហ្គេមលើកទី១១ នៅទីក្រុងសូឡូ។ អ្វីដែលអត្តពលិកជនពិការកម្ពុជាបានខិតខំប្រឹងប្រែង និងការត្រៀមខ្លួនតំណាងជាតិ និងប្រជាពលរដ្ឋប្រមាណ ១៧លាននាក់គឺបានសម្រេចនូវជោគជ័យជាបន្ដបន្ទាប់ ហើយឯកឧត្តមក៏គ្មានអ្វីក្រៅពីការសាទរ មោទនភាព និងកោតសរសើរចំពោះស្នាមញញឹម និងភាពជោគជ័យដ៏អស្ចារ្យនេះដែរ។ សូមបញ្ជាក់ថា ការលើកឡើងនេះ ស្របពេលឯកឧត្តម ហ៊ុន ម៉ានី កំពុងស្ថិតនៅទីក្រុងសូឡូ ប្រទេសឥណ្ឌូនេស៊ី ដើម្បីគាំទ្រ និងលើកទឹកចិត្ដដោយផ្ទាល់ដោយកីឡាករ-កីឡាការិនីជនពិការកម្ពុជា ក្នុងការប្រកួតកីឡាអាស៊ានប៉ារ៉ាហ្គេមលើកទី១១ ដែលបានចាប់ផ្ដើមការប្រកួត តាំងពីថ្ងៃទី៣០ ខែកក្កដា ហើយគ្រោងនឹងប្រារព្ធពិធីបិទការប្រកួតផ្លូវការនាថ្ងៃទី០៦ ខែសីហាស្អែក ខណៈប្រភេទកីឡាទាំងអស់នឹងត្រូវបញ្ចប់ការប្រកួតនៅថ្ងៃទី០៥ ខែសីហានេះ។

11th August 2022

24

ក្រសួងទេសចរណ៍រៀបចំ "ព្រឹត្តិការណ៍កីឡាបាល់ទាត់មិត្តភាពវ័យចំណាស់មេគង្គ" នៅខេត្ដសៀមរាប

បាល់ទាត់៖ ក្រសួងទេសចរណ៍បានរៀបចំ "ព្រឹត្តិការណ៍កីឡាបាល់ទាត់មិត្តភាពវ័យចំណាស់មេគង្គ" ដែលមានកីឡាករវ័យចំណាស់កម្ពុជាចំនួន ២១នាក់ កីឡាករវ័យចំណាស់ថៃ ឡាវចំនួន ១១០នាក់ និងកីឡាករវ័យចំណាស់វៀតណាមចំនួន ២០នាក់។ការបង្កើតព្រឹត្ដិការណ៍នេះធ្វើឡើងចាប់ពីថ្ងៃទី០៤ ដល់ថ្ងៃទី០៧ ខែសីហា ឆ្នាំ២០២២ នៅកីឡដ្ឋានខេត្តសៀមរាប ដើម្បីពង្រីកនូវផលិតផលទេសចរណ៏ និងបង្កើនកិច្ចសហប្រតិបត្តិការអន្តរជាតិ នៅបណ្ដាប្រទេសតាមដងទន្លេមេគង្គ។ ឯកឧត្តម តុប សុភ័ក រដ្ឋលេខាធិការក្រសួងទេសចរណ៍មានប្រសាសន៍ថា ព្រឹត្តិការណ៍បាល់ទាត់វ័យចំណាស់មេគង្គនាពេលនេះ បានបង្កើនកិច្ចសហប្រតិបត្តិការអន្តរជាតិនៅបណ្តាប្រទេសតាមដងទន្លេមេគង្គ ជាពិសេសបានចូលរួមចំណែកអភិវឌ្ឍន៍ទេសចរណ៍សៀមរាប-អង្គរ ស្របតាម Road Map និងផែនការសកម្មភាពឆ្នាំ ២០២២-២០២៣ នៃផែនការមេអភិវឌ្ឍន៍ទេសចរណ៍ខេត្តសៀមរាប ២០២១-២០៣៥ ដែលទើបប្រកាសដាក់ឱ្យអនុវត្តកាលពីថ្ងៃទី១ ខែសីហា ឆ្នាំ២០២២នេះ។ ឯកឧត្ដមបានបន្ដថា ក្រៅពីគោលបំណងផ្សព្វផ្សាយសក្តានុពលទេសចរណ៍តំបន់សៀមរាប-អង្គរ ជំរុញកំណើនភ្ញៀវទេសចរ អភិវឌ្ឍន៍ធនធានមនុស្សក្នុងវិស័យកីឡាទេសចរណ៍ ទាក់ទាញចំណាប់អារម្មណ៍ពីសំណាក់អ្នកស្នេហាវិស័យកីឡាជាតិ និងអន្តរជាតិ ជាពិសេសស្របតាមយុទ្ធសាស្ត្រផ្សព្វផ្សាយទាក់ទាញភ្ញៀវទេសចរជាតិ និងអន្តរជាតិឆ្នាំ២០២៣ "Visit Cambodia Next 2023” ព្រឹត្តិការណ៍នេះក៏នឹងចូលរួមលើកស្ទួយវិស័យកីឡាទេសចរណ៍នៅកម្ពុជា ដើម្បីអបអរសាទរដំណើរឆ្ពោះទៅការប្រកួតកីឡា SEA GAMES – ASEAN PARA GAMES 2023 ដែលកម្ពុជាធ្វើជាម្ចាស់ផ្ទះផងដែរ។បច្ចុប្បន្ន រាជរដ្ឋាភិបាលបានផ្សព្វផ្សាយនូវយុទ្ធនាការ "កីឡាដើម្បីទាំងអស់គ្នា" ឬ "Sport for All" ដែលទទួលបានការគាំទ្រពីអង្គការសាមគ្គីអូឡាំពិកអន្តរជាតិ (OS) ដែលមានគោលបំណងបំផុសយុទ្ធនាការ "ប្រជាជនម្នាក់ លេងកីឡាមួយមុខ ឆ្ពោះទៅម្ចាស់ផ្ទះស៊ីហ្គេម២០២៣ និងបណ្តុះនូវស្មារតីកីឡាជូនដល់មហាជនទូទៅមិនថា ពួកគាត់ជាអត្តពលិកអាជីព ឬអ្នកលេងកីឡាដើម្បីសុខភាពនោះទេ ពោលគឺបញ្ជ្រាបនូវស្មារតីកីឡា ចំណេះដឹង ចលនាអូឡាំពិកទៅដល់ស្រទាប់មហាជននានា ជាពិសេសកីឡាបាល់ទាត់វ័យចំណាស់គឺជាប្រភេទកីឡា ដែលមានប្រជាប្រិយភាព និងពេញនិយម ជាប្រភេទកីឡាទេសចរណ៍កម្សាន្តលក្ខណៈមហាជន ក្នុងគោលបំណងបង្កើតភាពសប្បាយរីករាយ សុខភាពផ្លូវកាយ និងផ្លូវចិត្ត។ ឯកឧត្ដម ទៀ សីហា អភិបាលខេត្ដសៀមរាបមានប្រសាសន៍ថា ការរៀបចំព្រឹត្តិការណ៍បាល់ទាត់វ័យចំណាស់មេគង្គកម្ពុជា ថៃ ឡាវ វៀតណាម ដែលបង្ហាញឱ្យឃើញថា កម្ពុជាមានសុខសន្តិភាពពេញលេញ និងជាគោលដៅទេសចរណ៍គុណភាព សុវត្ថិភាព និងបរិយាប័ន្ន ក្នុងការអភិវឌ្ឍលើគ្រប់វិស័យ ជាពិសេសការជួបគ្នាក្នុងវិស័យកីឡានេះ ជាណងមិត្ដភាពយូរអង្វែងនៃប្រទេសតំបន់ទន្លេមេគង្គ។ ឯកឧត្ដមបន្ដថា ការលេងកីឡាបាននាំមកនូវសុខភាពល្អ និងកាយសប្បទារឹងមាំ នាំមកនូវសាមគ្គីភាពមិត្តភាពល្អ កីឡានាំមកនូវវិន័យល្អ កីឡានាំមកនូវភាពឈ្លាសវៃរហ័សរហួន៕

11th August 2022

23

ប្រធានក្រុម Cesar Azpilicueta បន្តកិច្ចសន្យាថ្មីនៅជាមួយ Chelsea ដល់ឆ្នាំ២០២៤

បាល់ទាត់៖ ខ្សែការពារសញ្ជាតិអេស្ប៉ាញ និងជាប្រធានក្រុមតោខៀវ Chelsea, Cesar Azpilicueta បានចុះហត្ថលេខាបន្តកិច្ចសន្យាដែលនឹងរក្សារូបគេនៅ Stamford Bridge ដល់ឆ្នាំ២០២៤។ កីឡាករវ័យ ៣២ឆ្នាំរូបនេះនៅសល់កិច្ចសន្យាមួយឆ្នាំទៀតជាមួយ Chelsea និងធ្លាប់បានចរចាផ្ទេរទៅកាន់ Barcelona នាពេលកន្លងមក។Cesar Azpilicueta បានផ្លាស់មកកាន់ Chelsea តាំងពីឆ្នាំ២០១២ ផ្ទេរពីក្លិបបារាំង Olympique Marseille ក្នុងតម្លៃ ៧លានផោនបង្ហាញខ្លួនសរុបមកទល់ពេលនេះបាន ៤៧៦ប្រកួតរកបាន ១៧គ្រាប់។ Azpilicueta បានឈ្នះជើងឯកសំខាន់ៗទាំងអស់ជាមួយ Chelsea និងជាកីឡាករមួយក្នុងចំណោម ៦រូបដែលឈ្នះពាន English Premier League, FA Cup, League Cup, UEFA Champions League, UEFA Super Cup និង FIFA Club World Cup៕

11th August 2022

10

Chelsea ទិញបានខ្សែបម្រើវ័យ ១៨ឆ្នាំ Carney Chukwuemeka តម្លៃ ២០លានផោនពី Aston Villa

បាល់ទាត់៖ ក្លិបតោខៀវ Chelsea បានសំរេចក្នុងការនាំយកខ្សែបម្រើវ័យក្មេងអង់គ្លេស Carney Chukwuemeka តម្លៃ ២០លានផោនពី Aston Villa។ កីឡាករវ័យ ១៨ឆ្នាំរូបនេះគឺជាសមាជិករបស់ក្រុមជំរើសជាតិអង់គ្លេសអាយុក្រោម ១៩ឆ្នាំដែលគ្រងជើងឯកបាល់ទាត់អឺរ៉ុបអាយុក្រោម ១៩ កាលពីខែកក្កដាកន្លងទៅក្រោយយកឈ្នះអ៊ីស្រាអែលនៅវគ្គផ្តាច់ព្រ័ត្រ ៣-១។Chukwuemeka ដែលស៊ុតបញ្ចូលមួយគ្រាប់ក្នុងម៉ោងបន្ថែមនោះបានចុះហត្ថលេខារយៈពេល ៦ឆ្នាំនៅ Stamford Bridge។ Carney Chukwuemeka ដែលបានបង្ហាញខ្លួន ១២ប្រកួតរដូវកាលមុនជាមួយ Aston Villa នោះបានបដិសេធសំណើបន្តកិច្ចសន្យាថ្មីជាមួយក្លិបក្នុងគោលបំណងចង់ចាកចេញពីក្លិប ស្របពេលមានការចាប់អារម្មណ៍ផងដែរពីក្លិបធំៗដូចជា Barcelona, AC Milan និង Borussia Dortmund។ Chelsea បច្ចុប្បន្នក៏ខិតជិតដល់កិច្ចព្រមព្រៀងផងដែរក្នុងការនាំយកខ្សែការពារ Marc Cucurella ពី Brighton ដែលទើបបដិសេធសំណើ ៣០លានផោនពី Manchester City៕

11th August 2022

12

លែងជាតម្រូវការ Alex Telles ចាកចេញពី Manchester United ទៅ Sevilla ក្នុងលក្ខខណ្ឌខ្ចី

បាល់ទាត់៖ ខ្សែការពារប្រេស៊ីល Alex Telles បានផ្លាស់ទៅកាន់ទឹកដីអេស្ប៉ាញហើយចូលរួមជាមួយក្លិប Sevilla ក្នុងលក្ខខណ្ឌខ្ចីពេញមួយរដូវកាល។ កីឡាករវ័យ ២៩ឆ្នាំរូបនេះមិនស្ថិតក្នុងគំរោងប្រើប្រាស់របស់អ្នកចាត់ការថ្មីលោក Erik ten Hag ឡើយបន្ទាប់ពីការមកដល់របស់កីឡាករវ័យក្មេង Tyrell Malacia ពី Feyenoord និងខ្សែការពារកណ្តាលអាហ្សង់ទីន Lisandro Martinez ពី Ajax។ Sevilla នឹងរ៉ាប់រងប្រាក់ឈ្នួលទាំងស្រុងលើ Alex Telles តែមិនមានលក្ខខណ្ឌទិញផ្តាច់ឡើយ។ ការចាកចេញរបស់ Alex Telles គឺដើម្បីមានឱកាសលេងបាល់ទៀងទាត់មួយ ដើម្បីប្រជែងតំណែងខ្សែការពារស្លាបឆ្វេងក្រុមជំរើសជាតិប្រេស៊ីលនៅ World Cup 2022 កាតាឆ្នាំនេះ។ Alex Telles បានផ្លាស់មកកាន់ Manchester United ពីក្លិបព័រទុយហ្កាល់ FC Porto ក្នុងតម្លៃ ១៥លានអឺរ៉ូកាលពីឆ្នាំ២០២០។ Manchester United នៅពេលនេះមានខ្សែការពារស្លាបឆ្វេងពីរនាក់គឺ Luke Shaw និង Tyrell Malacia ដែលត្រូវប្រជែងគ្នាដើម្បីតំណែងជម្រើសដំបូង៕

11th August 2022

5

កីឡាការិនីវាយកូនគោលជប៉ុន Hinako Shibuno នាំមុខថ្ងៃដំបូងកម្មវិធី Open Championship

វាយកូនគោល៖ កីឡាការិនីជប៉ុន Hinako Shibuno បានធ្វើការនាំមុខគេបណ្តោះអាសន្ន ក្រោយការប្រកួតថ្ងៃដំបូងនៃពានរង្វាន់វាយកូនគោលកម្មវិធីធំរបស់នារី The Open Championship។ Hinako Shibuno ដែលជាអតីតជើងឯកកាលពីឆ្នាំ២០១៩ ធ្វើបាន Birdies នៅបីឡូដំបូងមុនបញ្ចប់ការប្រកួតថ្ងៃដំបូងជាមួយនឹងពិន្ទុ ៦អាន់ឌើផា ៦៥។ កីឡាការិនីអាមេរិក Jessica Korda ឈរលេខ២ បណ្តោះអាសន្នផងដែរមាន ៥អាន់ឌើផាតាមពីក្រោយអ្នកនាំមុខ ១ស្ត្រូក ខណៈកីឡាការិនីស្កុតឡេន Louise Duncan ឈរលេខ៣ មាន ៤អាន់ឌើផា។ សូមបញ្ជាក់ថា Open Championship ជាកម្មវិធីវាយកូនគោលធំប្រចាំឆ្នាំចុងក្រោយគេក្នុងឆ្នាំនេះ។ កញ្ចប់ប្រាក់រង្វាន់ឆ្នាំមុនគឺ ៥.៨លានដុល្លារអាមេរិក ខណៈឆ្នាំនេះមានការបង្កើនប្រាក់រង្វាន់ ២៦% ដល់ ៧.៣លានដុល្លារ ដោយជើងឯកទទួលបានប្រាក់រង្វាន់ជាង ១លានដុល្លារ។ ឆ្នាំ២០២១ កន្លងទៅកីឡាការិនីវ័យ ៣៤ឆ្នាំស៊ុយអែត Anna Nordqvist គឺជាជើងឯកដោយទទួលបានប្រាក់រង្វាន់ ៨៧ម៉ឺនដុល្លារ៕

11th August 2022

6

ប្រតិភូកីឡាអាស៊ានប៉ារ៉ាហ្គេម បានធ្វើមាតុភូមិនិវត្តន៍មកកម្ពុជាវិញ ប្រកបដោយសុវត្ថិភាព និងជោគជ័យ

ភ្នំពេញ៖ ប្រតិភូកីឡាអាស៊ានប៉ារ៉ាហ្គេមកម្ពុជាដឹកនាំដោយឯកឧត្តម ហ៊ុន ម៉ានី បានធ្វើមាតុភូមិនិវត្តន៍មកកម្ពុជាវិញ ប្រកបដោយសុវត្ថិភាពនិងជោគជ័យ នៅរសៀលថ្ងៃទី០៧ ខែសីហា ឆ្នាំ២០២២នេះ និងបានរៀបចំពិធីទទួលនិងដង្ហែទង់សហព័ន្ធកីឡាជនពិការអាស៊ាន និងជ័យលាភីកីឡាអាស៊ានប៉ារ៉ាហ្គេមលើកទី១១ ពីប្រទេសឥណ្ឌូនេស៊ី ក្រោមអធិបតីភាពសម្តេចពិជ័យសេនា ទៀ បាញ់ ប្រធានគណៈកម្មាធិការជាតិCAMSOC ។

11th August 2022

4

ឯកឧត្តម ហ៊ុន ម៉ានី ប្រធានប្រតិភូកីឡាប៉ារ៉ាឡាំពិកកម្ពុជាតំណាងសម្ដេចតេជោ ហ៊ុន សែន នាយករដ្ឋមន្ត្រី បានដង្ហែទង់អាស៊ានប៉ារ៉ាហ្គេមមកដល់មាតុប្រទេសវិញហើយ

ភ្នំពេញ៖ បន្ទាប់ពីបានបញ្ចប់បេសកកម្មដោយជោគជ័យយ៉ាងត្រចេះត្រចង់ នៅទីក្រុងសូឡូ ប្រទេសឥណ្ឌូនេស៊ី គណៈប្រតិភូប៉ារ៉ាឡាំពិកកម្ពុជា ដឹកនាំដោយ ឯកឧត្តម ហ៊ុន ម៉ានី ប្រធានប្រតិភូកីឡាប៉ារ៉ាឡាំពិកកម្ពុជា តំណាងដ៏ខ្ពង់ខ្ពស់របស់សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា បានដង្ហែទង់អាស៊ានប៉ារ៉ាហ្គេមមកដល់មាតុភូមិកម្ពុជា នារសៀលថ្ងៃទី ០៧ ខែសីហា ឆ្នាំ២០២២។ ដំណើរមាតុភូមិនិវត្តន៍របស់គណៈប្រតិភូកីឡាកម្ពុជា នារសៀលនេះ ទទួលបានកិត្តិយសដ៏ខ្ពង់ខ្ពស់ ពីសំណាក់សម្ដេចពិជ័យសេនា ទៀ បាញ់ ឧបនាយករដ្ឋមន្ដ្រី រដ្ឋមន្ដ្រីក្រសួងការពារជាតិ និងជាប្រធានគណៈកម្មាធិការជាតិរៀបចំការប្រកួតស៊ីហ្គេម-អាស៊ានប៉ារ៉ាហ្គេម ឆ្នាំ២០២៣ អញ្ជើញស្វាគមន៍ដោយផ្ទាល់នៅអាកាសយានដ្ឋានអន្តរជាតិភ្នំពេញផងដែរ។

11th August 2022

20

ការប្រកួតកីឡាទេសចរណ៍បាល់ទាត់មិត្តភាពវ័យចំណាស់មេគង្គនៅសៀមរាបត្រូវបានបិទបញ្ចប់

បាល់ទាត់៖ ការប្រកួតកីឡាទេសចរណ៍បាល់ទាត់មិត្ដភាពវ័យចំណាស់មេគង្គ កម្ពុជា ថៃ ឡាវ វៀតណាម ដែលបានប្រព្រឹត្តទៅរយៈពេល ៤ថ្ងៃនៅពហុកីឡាដ្ឋានខេត្តសៀមរាបត្រូវបានបិទបញ្ចប់កាលព្រឹកថ្ងៃទី០៧ ខែសីហា ឆ្នាំ២០២២នេះ បន្ទាប់ពីដំណើរការប្រកួតតាំងពីថ្ងៃទី០៤ ខែសីហា។ លោក លី ប៊ុណ្ណា ប្រធានមន្ទីរអប់រំ យុវជន និងកីឡាខេត្ដសៀមរាបមានប្រសាសន៍ថា ក្រុមកីឡាចូលរួមប្រកួតមានក្រុមកីឡាករកម្ពុជាចំនួន ២០នាក់ និងក្រុមកីឡាករបរទេសមាន ៣ក្រុមក្នុងនោះថៃចំនួន ៧២នាក់ ក្រុមកីឡាករឡាវចំនួន ៣៩នាក់ ក្រុមកីឡាករវៀតណាមចំនួន ១៨នាក់សរុបចំនួន ១៥០នាក់។ យោងរបាយការណ៍បច្ចេកទេសបានបញ្ជាក់ឲ្យដឹងថា ឆ្លងតាមរយៈនៃការប្រកួត យ៉ាងស្វិតស្វាញនៅលើទីលានប្រកួត ក្រុមកីឡាករបានអនុវត្តបានល្អក្នុងការប្រកួតដោយឈរលើស្មារតី គោរពវិន័យ បទបញ្ជាបច្ចេកទេស និងចេះស្រឡាញ់យោគយល់ អធ្យាស្រ័យគ្នា ដោយផ្សាភ្ជាប់យ៉ាងជិតស្និទ្ធនូវចំណងមិត្តភាព។ ឯកឧត្តម តុប សុភ័ក្ត្រ រដ្ឋលេខាធិការក្រសួងទេសចរណ៍មានប្រសាសន៍ថា ក្រុមកីឡាករទាំង ៤ប្រទេសដែលជាប្រទេសជាប់ទៅដោយដីសណ្ដទន្លេមេគង្គ ប្រៀបបានជាប្រទេសសរសៃឈាមតែមួយ ដោយទទួលផលប្រយោជន៍រួមគ្នាពីអាងទឹកទន្លេមេគង្គ ដែលមានប្រភពធ្លាក់មកពីទីបេ។ឯកឧត្តមបានបញ្ជាក់ថា ការប្រកួតកីឡាជាមិត្តភាពនេះបានបញ្ជាក់ឲ្យកាន់តែស៊ីជម្រៅពីចំណងមិត្តភាពនៃប្រទេសនៅដងទន្លេមេគង្គ កាន់តែមានភាពរឹងមាំឡើងថែមទៀត។ ម្យ៉ាងទៀតការរៀបចំព្រឹត្តិការណ៍នេះឡើង ក្នុងគោលបំណងពង្រីកនូវសក្ដានុពលទេសចរណ៍ដ៏សម្បូរបែប តាមរយៈព្រឹត្តិការណ៍កីឡាទេសចរណ៍បាល់ទាត់វ័យចំណាស់ និងបង្កើនកិច្ចសហប្រតិបត្តិការអន្តរជាតិ ជាមួយប្រទេសដែលស្ថិតនៅតាមដងទន្លេមេគង្គ ក្នុងការផ្សព្វផ្សាយសក្ដានុពលទេសចរណ៍តំបន់សៀមរាប-អង្គរ ជំរុញកំណើនភ្ញៀវទេសចរ អភិវឌ្ឍន៍ធនធានមនុស្ស តាមរយៈវិស័យកីឡាទេសចរណ៍ និងទាក់ទាញចំណាប់អារម្មណ៍ ពីសំណាក់អ្នកស្នេហាវិស័យកីឡាជាតិ និងអន្តរជាតិ ជាពិសេសចូលរួមលើកស្ទួយវិស័យកីឡាទេសចរណ៍ នៅព្រះរាជាណាចក្រកម្ពុជា ដើម្បីអបអរសាទរដំណើរ ឆ្ពោះទៅការប្រកួតកីឡា SEA GAME - ASEAN PARA GAME 2023 ដែលកម្ពុជាយើងធ្វើជាម្ចាស់ផ្ទះផងដែរ៕

11th August 2022

7

លីគអាជីពកីឡាអេឡិចត្រូនិក MPL-KH Autumn ចាប់ផ្ដើមការប្រកួតវិលជុំសន្សំពិន្ទុ

អេឡិចត្រូនិក៖ ព្រឹត្តិការណ៍ប្រកួតលីគអេឡិចត្រូនិកអាជីព MPL-KH Pro League នៃវិញ្ញាសា Mobile Legends: Bang Bang វគ្គ MPL-KH Autumn Split បានឈានដល់ការប្រកួតវគ្គវិលជុំសន្សំពិន្ទុហើយកាលពីចុងសប្ដាហ៍កន្លងទៅ ជាមួយចំណីចក្ខុពិសេសប្លែក និងកាន់តែអស្ចារ្យ។ យោងតាមគណៈកម្មការរៀបចំការប្រកួតលីគ MPL-KH Autumn Split គឺជាផ្នែកមួយដ៏សំខាន់ក្នុងការជួយជំរុញលើកកម្ពស់ និងអភិវឌ្ឍវិស័យកីឡាអេឡិចត្រូនិកក្នុងប្រទេសកម្ពុជា ដែលចាប់ផ្តើមប្រកួតវគ្គវិលជុំសន្សំពិន្ទុចាប់ពីថ្ងៃទី៦ ខែសីហារហូតដល់ថ្ងៃទី៤ ខែកញ្ញា និងវគ្គខ្វែងដែលត្រូវប្រកួតចាប់ពីថ្ងៃទី១៧ ខែកញ្ញាដល់ថ្ងៃទី១ ខែតុលា ខណៈការប្រកួតវគ្គផ្តាច់ព្រ័ត្រនឹងធ្វើឡើងនាថ្ងៃទី២ ខែតុលា ឆ្នាំ២០២២ ខាងមុខ។ ការប្រកួត MPL-KH Pro League បានបញ្ចប់ការប្រកួតវគ្គ Spring Split កាលពីពាក់កណ្តាលឆ្នាំ២០២២ កន្លងទៅ ហើយនេះគឺជាការប្រកួតវគ្គ Autumn Split ដើម្បីបង្កើនគុណភាព សមត្ថភាព បច្ចេកទេស និងជំរុញការអភិវឌ្ឍកីឡាអេឡិចត្រូនិកនៅប្រទេសកម្ពុជា ក្នុងគោលបំណងស្វែងរកក្រុមមានសមត្ថភាពខ្ពស់ចេញទៅប្រកួតកម្រិតពិភពលោកនាចុងឆ្នាំនេះ។ គួរដឹងថា Mobile Legends: Bang Bang គឺជាវិញ្ញាសាដែលពេញនិយមខ្លាំងក្នុងស្រទាប់យុវវ័យ នឹងតែងតែរៀបចំការប្រកួតកីឡាអេឡិចត្រូនិកនៅក្នុងប្រទេសកម្ពុជាជាបន្តបន្ទាប់ ដើម្បីពង្រឹង និងអភិវឌ្ឍសមត្ថភាពកីឡាករដើម្បីមានលទ្ធភាពប្រកួតប្រជែងថ្នាក់តំបន់ និងអន្តរជាតិនានា៕

11th August 2022

4

Haaland ស៊ុតបានពីរគ្រាប់ក្នុងប្រកួតដំបូងនៅ EPL ខណៈ Man City យកឈ្នះនៅដី West Ham

បាល់ទាត់៖ ក្របខណ្ឌ English Premier League បានចាប់ផ្តើមចុងសប្តាហ៍កន្លងទៅ ខណៈក្រុមការពារតំណែងជើងឯក Manchester City រកបានបីពិន្ទុក្នុងសប្តាហ៍ទី១ តាមរយៈជ័យជំនះនៅទឹកដីរបស់ក្រុមញញួរធំ West Ham ២-០ យប់ថ្ងៃអាទិត្យម្សិលមិញ។ ខ្សែប្រយុទ្ធចំនូលថ្មី Erling Haaland ដែលផ្លាស់ពី Dortmund រកបានពីរគ្រាប់ម្នាក់ឯងក្នុងប្រកួតដំបូងរបស់ខ្លួន នៃការចាប់ផ្តើមអាជីពនៅក្របខណ្ឌ English Premier League។ គ្រាប់ដំបូងកើតឡើងនៅនាទីទី៣៦ ដោយបាល់ពិន័យ ១១ម៉ែត្រ និងគ្រាប់ទីពីរនៅវគ្គទី២ នាទីទី៦៥។ លទ្ធផលសំខាន់ៗផ្សេងទៀតរួមមាន Manchester United បើករដូវកាលថ្មីក្រោមការដឹកនាំរបស់អ្នកចាត់ការថ្មី Erik ten Hag បានត្រឹមខកបំណងក្រោយចាញ់ក្រុមភ្ញៀវ Brighton ១-២ ក្នុងទឹកដីខ្លួនឯង។ Cristiano Ronaldo មិនបានចាប់ផ្តើមជាកីឡាករ ១១នាក់ដំបូងឡើយ តែត្រូវផ្លាស់ប្តូរចូលនៅវគ្គទី២ បន្ទាប់ពី Brighton នាំមុខ ២គ្រាប់ទៅហើយនៅវគ្គទី១។ Pascal Gross រកបានពីរគ្រាប់ម្នាក់ឯងឱ្យ Brighton មុនពេលដែល Manchester United តបបានមួយគ្រាប់វិញនៅវគ្គទី២ ដោយបាល់ចូលទីខ្លួនឯងរបស់ Mac Allister។ សរុបមកវិញក្រុមដែលទទួលបានបីពិន្ទុក្នុងសប្តាហ៍ដំបូងរួមមាន Spurs ដែលវាយបកយកឈ្នះ Southampton ៤-១, Arsenal ឈ្នះនៅទឹកដី Crystal Palace ២-០, ក្រុមឡើងថ្មី Bournemouth យកឈ្នះ Aston Villa ២-០, Manchester City ឈ្នះនៅទឹកដី West Ham, ក្លិបអ្នកមានថ្មី Newcastle United ឈ្នះ Nottingham Forest ២-០, Brighton ដែលឈ្នះនៅទឹកដី Manchester United, Leeds United យកឈ្នះ Wolves ២-១ និង Chelsea យកឈ្នះនៅទឹកដី Everton ១-០។ មានពីរគូដែលស្មើគ្នាគឺ Leicester City ស្មើគ្នា ២-២ ទល់នឹង Brentford យប់មិញ ខណៈ Fulham ស្មើគ្នា ២-២ ទល់នឹង Liverpool កាលពីព្រលប់ថ្ងៃសៅរ៍៕

11th August 2022

4

Wolves ព្រមព្រៀងតម្លៃ ២៧.៥លានផោនទិញខ្សែប្រយុទ្ធ Goncalo Guedes ពី Valencia

បាល់ទាត់៖ ក្លិប Wolverhampton បានឈានដល់កិច្ចព្រមព្រៀងហើយ ក្នុងការនាំយកខ្សែប្រយុទ្ធព័រទុយហ្កាល់ Goncalo Guedes ពីក្លិបអេស្ប៉ាញ Valencia ក្នុងតម្លៃ ២៧.៥លានផោន។ កីឡាករវ័យ ២៥ឆ្នាំរូបនេះនឹងហោះហើរមកកាន់ទឹកដីអង់គ្លេសថ្ងៃនេះ ដើម្បីពិនិត្យសុខភាពមុនចុះហត្ថលេខារយៈពេលវែងនៅទឹកដី Molineux។ Goncalo Guedes តាមពិតទៅជាគោលដៅរបស់លោក Bruno Lage កន្លងមក ស្របពេលខ្សែប្រយុទ្ធជួរមុខសញ្ជាតិម៉ិកស៊ិក Raul Jimenez មានរបួស។ Guedes ដែលអាចលេងទាំងប្រយុទ្ធស្លាប និងប្រយុទ្ធជួរមុខបានចាប់ផ្តើមអាជីពនៅ Benfica មុនពេលផ្លាស់ទៅកាន់ Paris Saint Germain។ ក្រោយមកក៏បានផ្លាស់ទៅ Valencia នៅឆ្នាំ២០១៧ ក្នុងលក្ខខណ្ឌខ្ចីមុនពេលទិញផ្តាច់មួយឆ្នាំបន្ទាប់ ពោលគឺបង្ហាញខ្លួនសរុបឱ្យ Valencia បាន ១១៣ប្រកួតរកបាន ២៣គ្រាប់ និងត្រូវបានកោះហៅចូលក្រុមជំរើសជាតិព័រទុយហ្កាល់ដំបូងតាំងពីឆ្នាំ២០១៥ បង្ហាញខ្លួនបាន ៣២លើករកបាន ៧គ្រាប់។ Wolves ចាប់ផ្តើមរដូវកាល English Premier League ចាញ់នៅទឹកដី Leeds ២-១៕

11th August 2022

8

កីឡាការិនីវាយកូនគោលអាហ្វ្រិកខាងត្បូង Ashleigh Buhai គ្រងជើងឯក Women’s Open លើកដំបូង

ចាប់ផ្តើមថ្ងៃចុងក្រោយដោយមាន ៥ស្ត្រូកនាំមុខគេ កីឡាការិនីវ័យ ៣៣ឆ្នាំរូបនេះមិនអាចរក្សាការនាំមុខរបស់ខ្លួនរហូតដល់ចប់ការប្រកួតឡើយ ពោលគឺធ្វើមិនបានល្អនៅថ្ងៃចុងក្រោយបណ្តោយឱ្យកីឡាការិនីកូរ៉េ In Gee Chun តាមស្មើវិញជាមួយនឹងលទ្ធផល ១០អាន់ឌើផាដូចគ្នា។ យ៉ាងណាក្តី Ashleigh Buhai ក៏បានយកឈ្នះវិញនៅវគ្គ Play-Off បន្ថែមឡូរកជើងឯក។ Ashleigh Buhai បានក្លាយជាកីឡាការិនីអាហ្វ្រិកខាងត្បូងទី១ ផងដែរដែលឈ្នះជើងឯកកម្មវិធីធំ Women’s Open នេះតាំងពីឆ្នាំ១៩៧៩ និងទទួលបានប្រាក់រង្វាន់ជាង ១លានដុល្លាអាមេរិកក្នុងនាមជាជើងឯក។ សូមបញ្ជាក់ថា Open Championship ជាកម្មវិធីវាយកូនគោលធំប្រចាំឆ្នាំចុងក្រោយគេក្នុងឆ្នាំនេះ។ កញ្ចប់ប្រាក់រង្វាន់ឆ្នាំមុនគឺ ៥.៨លានដុល្លារអាមេរិក ខណៈឆ្នាំនេះមានការបង្កើនប្រាក់រង្វាន់ ២៦% ដល់ ៧.៣លានដុល្លារ។ ឆ្នាំ២០២១ កន្លងទៅកីឡាការិនីវ័យ ៣៤ឆ្នាំស៊ុយអែត Anna Nordqvist គឺជាជើងឯកដោយទទួលបានប្រាក់រង្វាន់ ៨៧ម៉ឺនដុល្លារ៕

11th August 2022

5

ជើងឯកជឺជីតស៊ូពិភពលោក ៨សម័យប្រេស៊ីល Leandro Lo ត្រូវបានបាញ់សម្លាប់

ជឺជីតស៊ូ៖ កំពូលកីឡាករកីឡាជឺជីតស៊ូប្រេស៊ីល Leandro Lo ដែលធ្លាប់ឈ្នះជើងឯកពិភពលោក ៨សម័យនោះបានទទួលមរណៈភាពហើយ ដោយការបាញ់សម្លាប់ពីជនមិនស្គាល់មុខកាលពីថ្ងៃអាទិត្យ។ កីឡាករវ័យ ៣៣ឆ្នាំដែលមានឈ្មោះពេញ Leandro Lo Pereira do Nascimento បានចូលរួមទស្សនាការប្រគុំតន្ត្រីមួយនៅទីក្រុង Sao Paulo ប្រទេសប្រេស៊ីល មុនពេលមានជម្លោះជាមួយបុរសម្នាក់ និងត្រូវបានបាញ់សម្លាប់ចំក្បាល។ Leandro Lo ត្រូវបានបញ្ជូនទៅមន្ទីរពេទ្យដើម្បីសង្គ្រោះបន្ទាន់ភ្លាមៗ តែអកុសលជនរងគ្រោះក៏បានបាត់បង់ជីវិតនៅមន្ទីរពេទ្យ។ សូមបញ្ជាក់ថា Leandro Lo ត្រូវបានគេស្គាល់ពេញប្រទេសប្រេស៊ីល តាមរយៈស្នាដៃដ៏អស្ចារ្យរបស់គេក្នុងប្រភេទកីឡាជឺជីតស៊ូនេះដោយធ្លាប់ឈ្នះមេដាយមាសពិភពលោក ៨លើក និងពាក់ខ្សែក្រវាត់ខ្មៅតាំងពីឆ្នាំ២០១២៕

11th August 2022

5

Medvedev យកឈ្នះ Norrie វគ្គផ្តាច់ព្រ័ត្រលើកពានវាយកូនបាល់ Los Cabos Open នៅម៉ិកស៊ិក

វាយកូនបាល់៖ កីឡាករវាយកូនបាល់លេខ ១ ពិភពលោក Daniil Medvedev បានគ្រងជើងឯកនៅក្នុងក្របខណ្ឌ ATP លើកដំបូងក្នុងឆ្នាំ២០២២ នេះក្រោយយកឈ្នះកីឡាករអង់គ្លេស Cameron Norrie នៅវគ្គផ្តាច់ព្រ័ត្រលើកពាន Los Cabos Open នៅម៉ិកស៊ិក។ កីឡាកររុស្ស៊ីរូបនេះបានយកឈ្នះអ្នកការពារតំណែងជើងឯកឆ្នាំមុន Cameron Norrie ដើម្បីលើកពានដំបូងតាំងពីឈ្នះជើងឯក US Open ឆ្នាំមុន។ តាំងពីពេលនោះមកកីឡាករវ័យ ២៦ឆ្នាំរូបនេះបានរងបរាជ័យនៅវគ្គផ្តាច់ព្រ័ត្រចំនួន ៥កម្មវិធី តែការប្រកួតនៅ Los Cabos នេះមិនចាញ់សូម្បីមួយសិតតាំងពីជុំដំបូង។ ដំណើរជាបន្តទៀតសំរាប់ Daniil Medvedev ដើម្បីត្រៀមលក្ខណៈសំរាប់ Grand Slam, US Open នៅចុងខែនេះគឺរូបគេនឹងចូលរួមការប្រកួតការពារជើងឯក Canadian Open និង Cincinnati Masters។ ស្រដៀងគ្នានេះដែរកីឡាករអូស្ត្រាលី Nick Kyrgios បានបញ្ចប់ការខកខានឈ្នះជើងឯករបស់ខ្លួនក្រោយយកឈ្នះកីឡាករជប៉ុន Kei Nishikori នៅវគ្គផ្តាច់ព្រ័ត្រលើកពាន Citi Open នៅសហរដ្ឋអាមេរិក។ ជ័យជំនះរបស់ជើងឯករង Wimbledon រូបនេះគឺជាជើងឯកនៅក្នុងក្របខណ្ឌ ATP Tour ដំបូងរបស់គេរាប់តាំងពីឆ្នាំ២០១៩ ដែលឈ្នះជើងឯកនៅ Washington DC។ ជាមួយគ្នានោះដែរកីឡាករវ័យ ២៧ឆ្នាំរូបនេះក៏មិនចាញ់សូម្បីមួយសិតនៅ Citi Open នេះបូករួមទាំងជ័យជំនះ ៦-៤ និង ៦-៣ នៅវគ្គផ្តាច់ព្រ័ត្រនេះ។ នេះជាការត្រៀមលក្ខណៈមួយយ៉ាងល្អសំរាប់ Nick Kyrgios មុនព្រឹត្តិការណ៍ Grand Slam, US Open ដែលនឹងចាប់ផ្តើមនៅថ្ងៃទី២៩ ខែសីហានេះ៕

11th August 2022

13

ក្រសួងអប់រំគាំទ្រការបង្កើតពាន King Snooker Cup ដើម្បីពង្រឹងធនធានត្រៀមស៊ីហ្គេម

ស្នូកឃ័រ៖ ឯកឧត្តម អ៊ុក សិទ្ធិជាតិ អគ្គនាយកនៃអគ្គនាយកដ្ឋានកីឡា នៃក្រសួងអប់រំ យុវជន និងកីឡាបានបង្ហាញការគាំទ្រពេញទំហឹងចំពោះសហព័ន្ធកីឡាប៊ីយ៉ា និងស្នូកឃ័រកម្ពុជាដែលបានរៀបចំពានរង្វាន់ King Snooker Cup 2022 ដោយឯកឧត្តមបានចាត់ទុកជាឱកាសពង្រឹងធនធាន ទាំងកីឡាករ និងមន្ដ្រីបច្ចេកទេសត្រៀមស៊ីហ្គេមឆ្នាំ២០២៣ ខាងមុខ។ ការបង្ហាញសុទិដ្ឋិនិយមនេះបន្ទាប់ពីពានរង្វាន់ King Snooker Cup 2022 ត្រូវបានប្រកាសបើកការប្រកួតជាផ្លូវការ កាលពីល្ងាចថ្ងៃទី០៨ ខែសីហា ក្រោមកិច្ចសហការរវាងសហព័ន្ធជាមួយក្លិប King Snooker Sport នៅទីតាំងក្លិបផ្ទាល់ ស្ថិតនៅសង្កាត់ជ្រោយចង្វារ ក្នុងនោះក៏មានការចូលរួមពីលោក ហេង សុវណ្ណ អនុប្រធានសហព័ន្ធកីឡាប៊ីយ៉ា និងស្នូកឃ័រកម្ពុជា តំណាងប្រធានសហព័ន្ធឯកឧត្តម ជុំ កុសល ផងដែរ។ ក្នុងនាមអាជ្ញាធរកីឡា និងជាអគ្គលេខាធិការរងទទួលបន្ទុកផ្នែកបច្ចេកទេសនៃគណៈកម្មាធិការជាតិ CAMSOC បានផ្ដល់ការគាំទ្រដល់សហព័ន្ធក្នុងការរៀបចំការប្រកួតឲ្យបានច្រើន ក្នុងន័យផ្ដល់ឱកាសឲ្យកីឡាករបានចូលរួមប្រកួត និងដុះខាតសមត្ថភាពឲ្យកាន់តែខ្លាំង ពិសេសសម្រិតសម្រាំងបាននូវធនធានកីឡាករឆ្នើមៗ សម្រាប់គោលដៅឆ្ពោះទៅប្រកួតក្នុងព្រឹត្តិការណ៍ជាប្រវត្តិសាស្ដ្រ នៅកម្ពុជានាឆ្នាំក្រោយ។ ម្យ៉ាងក៏ជាឱកាសពង្រឹងសមត្ថភាពមន្ដ្រីបច្ចេកទេសស្របតាមស្ដង់ដារអន្ដរជាតិ ដើម្បីមានលទ្ធភាពរៀបចំការប្រកួតអន្ដរជាតិនានា ពិសេសការប្រកួតកីឡាស៊ីហ្គេមឆ្នាំ២០២៣ ដែលសហព័ន្ធសាមី មិនត្រឹមតែបណ្ដុះបណ្ដាលកីឡាករ-កីឡាការិនី ដើម្បីប្រកួតប្រជែងមេដាយជូនជាតិនោះទេ តែក្នុងឋានៈជាម្ចាស់ផ្ទះ សហព័ន្ធក៏ត្រូវមានមន្ដ្រីបច្ចេកទេស ដូចជាអាជ្ញាកណ្ដាល-ចៅក្រមជាដើមដើម្បីចូលរួមរៀបចំការប្រកួតផងដែរ។ លោក ហេង សុវណ្ណ បានបញ្ជាក់ថា ដើម្បីត្រៀមឆ្ពោះស៊ីហ្គេមឆ្នាំ២០២៣ សហព័ន្ធត្រូវការទាមទារនូវគុណភាពសមត្ថភាពកីឡាករ-កីឡាការិនីចម្បង ក្នុងគោលបំណងដើម្បីធានាការប្រកួតប្រជែងមេដាយជូនជាតិ។ តាមរយៈនេះ សហព័ន្ធនឹងបន្តការខិតខំរៀបចំការប្រកួតឲ្យបានកាន់តែច្រើន ដើម្បីឲ្យកាន់តែស្ទាត់ជំនាញលើផ្នែកបច្ចេកទេស អាចឈានទៅប្រកួតប្រជែងមេដាយក្នុងឋានៈជាម្ចាស់ផ្ទះ ដែលកម្ពុជាទន្ទឹងរង់ចាំអស់ ៦៤ឆ្នាំនេះ។ លោក ម៉ារ៉ា សុជាតិ អគ្គលេខាធិការសហព័ន្ធបានឲ្យដឹងថា ពានរង្វាន់ King Snooker Cup 2022 នេះគ្រោងដំណើរការប្រកួត ៣សប្ដាហ៍ ដោយមានកីឡាករឆ្នើមៗ ១៦រូបចូលរួម និងបែងចែកជា ៤ពូលដើម្បីធ្វើការប្រកួតជម្រុះរហូតចម្រាញ់បានកីឡាករជ័យលាភី។ ក្រៅពីព្រឹត្តិការណ៍នេះ សហព័ន្ធក៏មានផែនការរៀបចំការប្រកួតជាបន្ដបន្ទាប់ ពិសេសការត្រៀមរៀបចំការប្រកួតចំនួន ៦វិញ្ញាសាក្នុងព្រឹត្តិការណ៍កីឡាជាតិលើកទី៣ នាខែវិច្ឆិកាខាងមុខតែម្ដង៕

11th August 2022

5

ពានសម្ដេចតេជោ-ថ្នាក់ជាតិនឹងបន្ដប្រកួតវគ្គជម្រុះ ១៦ក្រុមចុងក្រោយជើងទី២ ស្អែកនេះ

បាល់ទាត់៖ ពានរង្វាន់សម្ដេចតេជោ ហ៊ុន សែន លើកទី១៦ (ថ្នាក់ជាតិ) ឆ្នាំ២០២២ នឹងបន្ដការប្រកួតវគ្គជម្រុះ ១៦ក្រុមចុងក្រោយជើងទី២ នាថ្ងៃទី១០ ខែសីហាស្អែកនេះដោយមាន ៤គូ ខណៈ ៤គូផ្សេងទៀតនឹងត្រូវប្រកួតនាថ្ងៃទី១៧ ខែសីហាខាងមុខ។ សម្រាប់បេក្ខភាព ៤គូដែលត្រូវបានប្រកួតកាត់សេចក្ដីរកក្រុមខ្លាំងឡើងវគ្គ ៨ក្រុមចុងក្រោយស្អែកនេះរួមមាន ក្រុមព្រះខ័នរាជស្វាយរៀងត្រូវបើកទ្វារផ្ទះទទួលក្រុមសូលទីឡូអង្គរវិញម្ដង នាវេលាម៉ោង ៦៖៣០នាទីល្ងាចនៅកីឡដ្ឋានខេត្តស្វាយរៀង បន្ទាប់ពីរកបានជ័យជម្នះ ១-០ កាលពីជើងទី១ នៅទឹកដីខេត្ដសៀមរាប។ រីឯ ៣គូទៀតត្រូវប្រកួតនាម៉ោង ៣៖៣០នាទីរសៀលដំណាលៗគ្នា រួមមានក្រុមការពារតំណែងជើងឯកវិសាខា ប៉ះក្រុមសៀមរាបអេហ្វស៊ីនៅកីឡដ្ឋានព្រីនស៍, ក្រុមណាហ្គាវើលដ៏បន្ដជួបក្រុមអាស៊ីអឺរ៉ុបនៅកីឡដ្ឋាន AEU Sport Park និងក្រុមបឹងកេតបើកទ្វារកីឡដ្ឋានខេមបូឌាអ៊ែរវ៉េទទួលក្រុម ISI ដង្កោសែនជ័យ។ ចំពោះលទ្ធផលកាលពីជើងទី១ ក្រុមសមាជិកលីគកំពូលកម្ពុជាសុទ្ធតែទទួលបានជ័យជម្នះ គឺក្រុមវិសាខាយកឈ្នះក្រុមសៀមរាបអេហ្វស៊ីដោយលទ្ធផល ៦-០, ក្រុមណាហ្គាវើលដ៏យកឈ្នះក្រុមអាស៊ីអឺរ៉ុបយូណាយធីតដោយលទ្ធផល ៤-០ និងក្រុមនាគខៀវបឹងកេតបានយកឈ្នះក្រុម ISI ដង្កោសែនជ័យដោយលទ្ធផល ២-០។ ក្រោយបញ្ចប់ការប្រកួតនេះ ក្រុមទទួលបានជ័យជម្នះក្នុងការប្រកួតសរុបទាំង ២ជើងនឹងត្រូវឡើងទៅឈរចាំនៅវគ្គ ៨ក្រុមចុងក្រោយ ដែលនឹងធ្វើការប្រកួតចំនួន ២ជើងដូចគ្នានាថ្ងៃទី២៤ និងថ្ងៃទី៣១ ខែសីហាខាងមុខ ដើម្បីចម្រាញ់ក្រុមខ្លាំងឡើងវគ្គពាក់កណ្ដាលផ្ដាច់ព្រ័ត្រ ក៏ដូចជាបន្ដការប្រកួតស្វែងរកបេក្ខភាពវគ្គផ្ដាច់ព្រ័ត្រ ដែលព្រឹត្តិការណ៍នេះគ្រោងនឹងបញ្ចប់នាថ្ងៃទី២៦ ខែតុលា ឆ្នាំ២០២២៕

11th August 2022

6

ប្រដាល់សកលចង់សម្រេចគោលដៅមេដាយមាសលើសពី ១គ្រឿងនៅស៊ីហ្គេមឆ្នាំ២០២៣

លោក ប៊ុយ សោភ័ណ្ឌ អគ្គលេខាធិការសហព័ន្ធប្រដាល់សកលបានឲ្យដឹងថា គណៈកម្មាធិការជាតិរៀបចំការប្រកួតកីឡាស៊ីហ្គេមលើកទី៣២ ឆ្នាំ២០២៣ (CAMSOC) បានកំណត់សន្ទស្សន៍មេដាយមាស ១គ្រឿងសម្រាប់កីឡាប្រដាល់សកល។ ដើម្បីសម្រេចគោលដៅនេះ សហព័ន្ធបានរៀបចំយ៉ាងយកចិត្តទុកដាក់លើផែនការគ្រប់ជ្រុងជ្រោយ ពិសេសការបណ្ដុះបណ្ដាល និងពង្រឹងសមត្ថភាពកីឡាករ-កីឡាការិនីតែម្ដង។ ជាក់ស្ដែងសម្រាប់ផែនការត្រៀមស៊ីហ្គេមឆ្នាំ២០២៣ សហព័ន្ធមានកីឡាករខ្មែរម្នាក់ហាត់នៅថៃ ហើយម្នាក់ទៀតហាត់នៅវៀតណាម រួមជាមួយកីឡាករល្អៗមួយចំនួនធំសរុបមាន ១២នាក់ដែលកំពុងពង្រឹងការហ្វឹកហាត់ក្នុងស្រុក ជាមួយគ្រូបង្វឹកអន្ដរជាតិលោក Kkssymhanov Berikbol Amantayevich ជនជាតិកាហ្សាក់ស្ថាន ក្រោមការជួយឧបត្ថម្ភរបស់ CAMSOC ដើម្បីត្រៀមប្រកួតប្រជែង និងដណ្ដើមមេដាយជូនជាតិក្នុងព្រឹត្តិការណ៍ជាប្រវត្តិសាស្ដ្រ ដែលកម្ពុជាទន្ទឹងរង់ចាំអស់រយៈពេល ៦៤ឆ្នាំនេះ។អាស្រ័យហេតុនេះ សហព័ន្ធនឹងខិតខំសម្រេចឲ្យបាននូវសន្ទស្សន៍មេដាយមាស ដែលកំណត់ដោយគណៈកម្មាធិការជាតិរៀបចំការប្រកួតកីឡាស៊ីហ្គេមលើកទី៣២ ឆ្នាំ២០២៣ (CAMSOC) យ៉ាងហោចដណ្ដើមឲ្យបានមេដាយមាស ១គ្រឿង។ ប៉ុន្ដែជាគោលដៅ និងមហិច្ឆតារបស់សហព័ន្ធបានប្ដេជ្ញា នឹងព្យាយាមសម្រេចឲ្យបានលើសផែនការនេះ គឺព្យាយាមដណ្ដើមមេដាយមាសឲ្យបាន ២គ្រឿងតែម្ដង។ នេះបើតាមការបញ្ជាក់របស់លោក ប៊ុយ សុភ័ណ្ឌ។ ទន្ទឹងការខិតខំប្រឹងប្រែងនេះ ក្រៅពីការបញ្ជូនកីឡាករទៅហាត់នៅថៃរយៈពេល ២សប្ដាហ៍ សហព័ន្ធនឹងប្រឹងប្រែងស្វែងរកថវិកា ដើម្បីបានបញ្ជូនកីឡាករកម្ពុជាចេញទៅប្រកួតលក្ខណៈអន្តជាតិ ឲ្យបានច្រើនតាមដែលអាចធ្វើទៅបាន ដើម្បីឲ្យកីឡាករជម្រើសជាតិទទួលបានបទពិសោធកាន់តែច្រើន ព្រមទាំងអាចសម្រេចគោលដៅរបស់ CAMSOC។ មួយវិញទៀតសម្រាប់ឆ្នាំ២០២២ លោកក៏គ្រោងស្នើសុំទៅកាន់សហព័ន្ធកីឡាប្រដាល់សកលអន្តរជាតិ នូវថវិកាទ្រទ្រង់ដល់ការរៀបចំការប្រកួតប្រដាល់សកលក្នុងស្រុកឲ្យបានរៀងរាល់ ២សប្ដាហ៍ម្ដងចំនួន ៦លើកដូចកាលពីឆ្នាំ២០២១ ផងដែរ៕

11th August 2022

4

ប្រធានក្លិប Barcelona ថា Frenkie de Jong ចង់នៅបន្តជាមួយក្លិប

បាល់ទាត់៖ ខ្សែបម្រើហូឡង់ Frenkie de Jong ចង់បន្តស្នាក់នៅ Barcelona បន្តទៀត បើទោះជាមានការទាក់ទង់ស្អិតរមួតពី Manchester United មួយរយៈចុងក្រោយនេះក៏ដោយ នេះបើតាមការលើកឡើងរបស់ប្រធានក្លិប Barcelona លោក Joan Laporta។ ក្រុមបិសាចក្រហម Manchester United បានព្រមព្រៀងតម្លៃផ្ទេរ ៦៣.៥លានផោននាំយកកីឡាករវ័យ ២៥ឆ្នាំរូបនេះកាលពីខែមុន តែការផ្ទេរនៅទ្រឹងមិនទៅមុខមកដល់ពេលនេះ។ De Jong បានចូលលេងនៅវគ្គទី២ ក្នុងការប្រកួតដែល Barcelona យកឈ្នះក្លិបម៉ិកស៊ិក Pumas UNAM កាលពីថ្ងៃអាទិត្យ ៦-០។ បើតាមរបាយការព័ត៌មានមួយចំនួនឱ្យដឹងថា Barcelona ចង់ឱ្យ Frenkie de Jong កាត់ប្រាក់ឈ្នួលពាក់កណ្តាល ស្របពេលក្លិបកំពុងមានវិបត្តិហិរញ្ញវត្ថុនៅឡើយ។ បញ្ហាចម្រូងចម្រាសនៅពេលនេះគឺ De Jong មិនសប្បាយចិត្តជុំវិញរឿងប្រាក់ឈ្នួល ជាពិសេសគឺប្រាក់ឈ្នួលដែល Barcelona ជំពាក់ប៉ុន្មានឆ្នាំចុងក្រោយដោយសារវិបត្តិកូវីដ-១៩។ ថ្វីបើជាក្លិបដែលកំពុងមានបំណុលរុំកោះក៏ដោយ Barcelona បានចំណាយលុយជាង ១២០លានផោនហើយនៅរដូវក្តៅនេះក្នុងការនាំចូលកីឡាករថ្មីដែលរួមមាន Robert Lewandowski ពី Bayern Munich, Raphinha ពី Leeds United និង Jules Kounde ពី Sevilla បូករួមទាំងកីឡាករដែលមកដល់ដោយគ្មានតម្លៃផ្ទេរ Andreas Christensen ពី Chelsea និង Franck Kessie ពី AC Milan។ ព័ត៌មានចុងក្រោយនេះដែរគឺខ្សែការពារអេស្ប៉ាញ Marcos Alonso ក៏ខិតជិតផ្ទេរពី Chelsea មកកាន់ Barcelona ផងដែរ៕

11th August 2022

7

Everton ខ្ចីខ្សែការពារអង់គ្លេស Conor Coady ពី Wolves ពេញមួយរដូវកាល

បាល់ទាត់៖ ក្លិប Everton បានសំរេចក្នុងការនាំយកខ្សែការពារអង់គ្លេស Conor Coady ពីក្លិបរួមលីគ Wolverhampton ក្នុងកិច្ចសន្យាខ្ចីពេញមួយរដូវកាល។ Everton ដែលដឹកនាំដោយ Frank Lampard កំពុងមានវិបត្តិខ្សែការពារធ្ងន់ធ្ងរ បន្ទាប់ពីកីឡាករសំខាន់ពីររូបរួមមាន Ben Godfrey និង Yerry Mina រងរបួសអំឡុងការប្រកួតដំបូង English Premier League រដូវកាលថ្មីនេះចាញ់ Chelsea កាលពីថ្ងៃសៅរ៍។ កីឡាករដែលមានដើមកំណើតនៅ Merseyside វ័យ ២៩ឆ្នាំរូបនេះទទួលបានអាវលេខ ៣០ នៅ Everton។ Conor Coady គឺជាកីឡាករដែលចេញពីថ្នាលយុវជនរបស់ Liverpool និងបានផ្លាស់ទៅប្រកបអាជីពនៅ Huddersfield មុនពេលផ្ទេរទៅ Wolves នៅឆ្នាំ២០១៥ រហូតមកដល់ពេលនេះបង្ហាញខ្លួនបានជាង ៣០០ប្រកួត។ Conor Coady នឹងត្រូវសហការនៅតំបន់ការពាររបស់ Everton ជាមួយ James Tarkowski, Michael Keane និង Mason Holgate។ Wolves នឹងត្រូវទទួលស្វាគមន៍ក្រុមភ្ញៀវ Fulham ថ្ងៃសៅរ៍សប្តាហ៍នេះក្របខណ្ឌ English Premier League៕

11th August 2022

5

Renato Sanches ផ្លាស់មកកាន់ PSG ជាមួយនឹងកិច្ចសន្យា ៥ឆ្នាំផ្ទេរពី Lille

អ្នកចាំទី Chelsea, Kepa ខិតជិតឈានដល់កិច្ចព្រមព្រៀងផ្លាស់ទៅកាន់ Napoli

បួនប្រទេសនៅអាមេរិកខាងត្បូងរួមគ្នាដេញថ្លៃធ្វើម្ចាស់ផ្ទះ World Cup 2030

ឯកឧត្តម ហ៊ុន ម៉ានី បង្ហាញភាពកក់ក្ដៅ និងមោទនភាពចំពោះស្នាមញញឹមអត្តពលិកជនពិការកម្ពុជា

ក្រសួងទេសចរណ៍រៀបចំ "ព្រឹត្តិការណ៍កីឡាបាល់ទាត់មិត្តភាពវ័យចំណាស់មេគង្គ" នៅខេត្ដសៀមរាប

ប្រធានក្រុម Cesar Azpilicueta បន្តកិច្ចសន្យាថ្មីនៅជាមួយ Chelsea ដល់ឆ្នាំ២០២៤

Chelsea ទិញបានខ្សែបម្រើវ័យ ១៨ឆ្នាំ Carney Chukwuemeka តម្លៃ ២០លានផោនពី Aston Villa

លែងជាតម្រូវការ Alex Telles ចាកចេញពី Manchester United ទៅ Sevilla ក្នុងលក្ខខណ្ឌខ្ចី

កីឡាការិនីវាយកូនគោលជប៉ុន Hinako Shibuno នាំមុខថ្ងៃដំបូងកម្មវិធី Open Championship

ប្រតិភូកីឡាអាស៊ានប៉ារ៉ាហ្គេម បានធ្វើមាតុភូមិនិវត្តន៍មកកម្ពុជាវិញ ប្រកបដោយសុវត្ថិភាព និងជោគជ័យ

ការប្រកួតកីឡាទេសចរណ៍បាល់ទាត់មិត្តភាពវ័យចំណាស់មេគង្គនៅសៀមរាបត្រូវបានបិទបញ្ចប់

លីគអាជីពកីឡាអេឡិចត្រូនិក MPL-KH Autumn ចាប់ផ្ដើមការប្រកួតវិលជុំសន្សំពិន្ទុ

Haaland ស៊ុតបានពីរគ្រាប់ក្នុងប្រកួតដំបូងនៅ EPL ខណៈ Man City យកឈ្នះនៅដី West Ham

Wolves ព្រមព្រៀងតម្លៃ ២៧.៥លានផោនទិញខ្សែប្រយុទ្ធ Goncalo Guedes ពី Valencia

កីឡាការិនីវាយកូនគោលអាហ្វ្រិកខាងត្បូង Ashleigh Buhai គ្រងជើងឯក Women’s Open លើកដំបូង

ជើងឯកជឺជីតស៊ូពិភពលោក ៨សម័យប្រេស៊ីល Leandro Lo ត្រូវបានបាញ់សម្លាប់

Medvedev យកឈ្នះ Norrie វគ្គផ្តាច់ព្រ័ត្រលើកពានវាយកូនបាល់ Los Cabos Open នៅម៉ិកស៊ិក

ក្រសួងអប់រំគាំទ្រការបង្កើតពាន King Snooker Cup ដើម្បីពង្រឹងធនធានត្រៀមស៊ីហ្គេម

ពានសម្ដេចតេជោ-ថ្នាក់ជាតិនឹងបន្ដប្រកួតវគ្គជម្រុះ ១៦ក្រុមចុងក្រោយជើងទី២ ស្អែកនេះ

ប្រដាល់សកលចង់សម្រេចគោលដៅមេដាយមាសលើសពី ១គ្រឿងនៅស៊ីហ្គេមឆ្នាំ២០២៣

ប្រធានក្លិប Barcelona ថា Frenkie de Jong ចង់នៅបន្តជាមួយក្លិប

Everton ខ្ចីខ្សែការពារអង់គ្លេស Conor Coady ពី Wolves ពេញមួយរដូវកាល

Category

Renato Sanches ផ្លាស់​មកកាន់ PSG ជាមួយនឹង​កិច្ចសន្យា ៥​ឆ្នាំ​ផ្ទេរ​ពី Lille

អ្នកចាំទី Chelsea, Kepa ខិតជិត​ឈានដល់​កិច្ចព្រមព្រៀង​ផ្លាស់​ទៅកាន់ Napoli

បួន​ប្រទេស​នៅ​អាមេរិក​ខាងត្បូង​រួមគ្នា​ដេញថ្លៃ​ធ្វើ​ម្ចាស់ផ្ទះ World Cup 2030

ឯកឧត្តម ហ៊ុន ម៉ា​នី បង្ហាញ​ភាព​កក់ក្ដៅ និង​មោទនភាព​ចំពោះ​ស្នាមញញឹម​អត្ត​ព​លិ​ក​ជនពិការ​កម្ពុជា

ក្រសួងទេសចរណ៍​រៀបចំ "​ព្រឹត្តិការណ៍​កីឡាបាល់ទាត់​មិត្តភាព​វ័យ​ចំណាស់​មេគង្គ​" នៅ​ខេត្ដ​សៀមរាប​

ប្រធាន​ក្រុម Cesar Azpilicueta បន្ត​កិច្ចសន្យា​ថ្មី​នៅ​ជាមួយ Chelsea ដល់​ឆ្នាំ​២០២៤

Chelsea ទិញ​បាន​ខ្សែបម្រើ​វ័យ ១៨ឆ្នាំ Carney Chukwuemeka តម្លៃ ២០លាន​ផោន​ពី Aston Villa

លែង​ជា​តម្រូវការ Alex Telles ចាក​ចេញពី Manchester United ទៅ Sevilla ក្នុង​លក្ខខណ្ឌ​ខ្ចី​

កីឡាការិនី​វាយកូនគោល​ជប៉ុន Hinako Shibuno នាំមុខ​ថ្ងៃ​ដំបូង​កម្មវិធី Open Championship

ប្រតិភូកីឡាអាស៊ានប៉ារ៉ាហ្គេម បានធ្វើមាតុភូមិនិវត្តន៍មកកម្ពុជាវិញ ប្រកបដោយសុវត្ថិភាព និងជោគជ័យ

ការប្រកួត​កីឡា​ទេសចរណ៍​បាល់ទាត់​មិត្តភាព​វ័យ​ចំណាស់​មេគង្គ​នៅ​សៀមរាបត្រូវបាន​បិទ​បញ្ចប់​

លី​គ​អាជីព​កីឡា​អេឡិចត្រូនិក​ MPL-KH Autumn ​ចាប់ផ្ដើម​ការប្រកួត​វិល​ជុំ​សន្សំ​ពិន្ទុ​

Haaland ស៊ុត​បាន​ពីរ​គ្រាប់​ក្នុង​ប្រកួត​ដំបូង​នៅ EPL ខណៈ Man City យកឈ្នះ​នៅ​ដី West Ham

Wolves ព្រមព្រៀង​តម្លៃ ២៧.៥លាន​ផោន​ទិញ​ខ្សែប្រយុទ្ធ Goncalo Guedes ពី Valencia

កីឡាការិនី​វាយកូនគោល​អាហ្វ្រិក​ខាងត្បូង Ashleigh Buhai គ្រង​ជើងឯក Women’s Open លើកដំបូង​

ជើងឯក​ជឺ​ជី​តស៊ូ​ពិភពលោក ៨​សម័យ​ប្រេ​ស៊ី​ល Leandro Lo ត្រូវ​បាន​បាញ់សម្លាប់​

Medvedev យកឈ្នះ Norrie វគ្គ​ផ្តាច់ព្រ័ត្រ​លើក​ពាន​វាយ​កូន​បាល់ Los Cabos Open នៅ​ម៉ិ​ក​ស៊ិ​ក​

ក្រសួង​អប់រំ​គាំទ្រ​ការ​បង្កើតពាន​ King Snooker Cup ​ដើម្បី​ពង្រឹង​ធនធាន​ត្រៀម​ស៊ី​ហ្គេម​

ពាន​សម្ដេច​តេ​ជោ​-​ថ្នាក់​ជាតិ​នឹង​បន្ដ​ប្រកួត​វគ្គ​ជម្រុះ ១៦​ក្រុម​ចុងក្រោយ​ជើង​ទី​២ ស្អែក​នេះ​

ប្រដាល់​សកល​ចង់​សម្រេច​គោលដៅ​មេដាយ​មាស​លើស​ពី ១​គ្រឿង​នៅ​ស៊ី​ហ្គេម​ឆ្នាំ​២០២៣

ប្រធាន​ក្លិប Barcelona ថា Frenkie de Jong ចង់​នៅ​បន្ត​ជាមួយ​ក្លិប

Everton ខ្ចី​ខ្សែការពារ​អង់គ្លេស Conor Coady ពី Wolves ពេញ​មួយ​រដូវ​កាល​

Category

Renato Sanches ផ្លាស់មកកាន់ PSG ជាមួយនឹងកិច្ចសន្យា ៥ឆ្នាំផ្ទេរពី Lille

អ្នកចាំទី Chelsea, Kepa ខិតជិតឈានដល់កិច្ចព្រមព្រៀងផ្លាស់ទៅកាន់ Napoli

បួនប្រទេសនៅអាមេរិកខាងត្បូងរួមគ្នាដេញថ្លៃធ្វើម្ចាស់ផ្ទះ World Cup 2030

ឯកឧត្តម ហ៊ុន ម៉ានី បង្ហាញភាពកក់ក្ដៅ និងមោទនភាពចំពោះស្នាមញញឹមអត្តពលិកជនពិការកម្ពុជា

ក្រសួងទេសចរណ៍រៀបចំ "ព្រឹត្តិការណ៍កីឡាបាល់ទាត់មិត្តភាពវ័យចំណាស់មេគង្គ" នៅខេត្ដសៀមរាប

ប្រធានក្រុម Cesar Azpilicueta បន្តកិច្ចសន្យាថ្មីនៅជាមួយ Chelsea ដល់ឆ្នាំ២០២៤

Chelsea ទិញបានខ្សែបម្រើវ័យ ១៨ឆ្នាំ Carney Chukwuemeka តម្លៃ ២០លានផោនពី Aston Villa

លែងជាតម្រូវការ Alex Telles ចាកចេញពី Manchester United ទៅ Sevilla ក្នុងលក្ខខណ្ឌខ្ចី

កីឡាការិនីវាយកូនគោលជប៉ុន Hinako Shibuno នាំមុខថ្ងៃដំបូងកម្មវិធី Open Championship

ការប្រកួតកីឡាទេសចរណ៍បាល់ទាត់មិត្តភាពវ័យចំណាស់មេគង្គនៅសៀមរាបត្រូវបានបិទបញ្ចប់

លីគអាជីពកីឡាអេឡិចត្រូនិក MPL-KH Autumn ចាប់ផ្ដើមការប្រកួតវិលជុំសន្សំពិន្ទុ

Haaland ស៊ុតបានពីរគ្រាប់ក្នុងប្រកួតដំបូងនៅ EPL ខណៈ Man City យកឈ្នះនៅដី West Ham

Wolves ព្រមព្រៀងតម្លៃ ២៧.៥លានផោនទិញខ្សែប្រយុទ្ធ Goncalo Guedes ពី Valencia

កីឡាការិនីវាយកូនគោលអាហ្វ្រិកខាងត្បូង Ashleigh Buhai គ្រងជើងឯក Women’s Open លើកដំបូង

ជើងឯកជឺជីតស៊ូពិភពលោក ៨សម័យប្រេស៊ីល Leandro Lo ត្រូវបានបាញ់សម្លាប់

Medvedev យកឈ្នះ Norrie វគ្គផ្តាច់ព្រ័ត្រលើកពានវាយកូនបាល់ Los Cabos Open នៅម៉ិកស៊ិក

ក្រសួងអប់រំគាំទ្រការបង្កើតពាន King Snooker Cup ដើម្បីពង្រឹងធនធានត្រៀមស៊ីហ្គេម

ពានសម្ដេចតេជោ-ថ្នាក់ជាតិនឹងបន្ដប្រកួតវគ្គជម្រុះ ១៦ក្រុមចុងក្រោយជើងទី២ ស្អែកនេះ

ប្រដាល់សកលចង់សម្រេចគោលដៅមេដាយមាសលើសពី ១គ្រឿងនៅស៊ីហ្គេមឆ្នាំ២០២៣

ប្រធានក្លិប Barcelona ថា Frenkie de Jong ចង់នៅបន្តជាមួយក្លិប

Everton ខ្ចីខ្សែការពារអង់គ្លេស Conor Coady ពី Wolves ពេញមួយរដូវកាល